माओवादीद्वारा गठवन्धनसंगको सहमति अनुमोदन
![](https://www.sahayatratv.com/wp-content/uploads/2022/01/sahayatra.png)
बैशाख १०, २०७४ । नेकपा माओवादी केन्द्रको केन्द्रीय कार्यालय बैठकले सरकार र संघीय गठबन्धनबीच भएको सहमतिलाई अनुमोदन गरेको छ । आज बिहान बसेको केन्द्रीय कार्यालयको बैठकले सरकार र गठबन्धनबीच भएको सहमतिको प्रस्तावलाई अनुमोदन गरेको हो । बैठकमा पार्टी अध्यक्ष एवं प्रधानमन्त्री पुष्पकमल दाहालले संघीय गठबन्धन र मधेसी मोर्चाका नेताहरुसंग भएको सहमतिबारे बैठकमा नेताहरुलाई जानकारी गराउनु भएको थियो । दाहालले सहमतिपछि सवै राजनीतिक दल चुनावमा सहभागी हुने वातावरण बनेको भन्दै निर्वाचनको तयारीमा लाग्न निर्देशन दिनु भएको थियो । बैठकले सरकार र गठबन्धनबीच भएको सहमतिलाई कार्यान्वयन गर्न पार्टीले आवश्यक पहल गर्ने निर्णय समेत गरेको छ ।