दोलखाको बैतेश्वरमा कांग्रेस र माओवादी विजयी

सहयात्रा टिभी

दोलखा । दोलखाको बैतेस्वर गाउँपालिकामा अध्यक्षमा कांग्रेस उम्मेदवार र उपाध्यक्षमा माओवादी केन्द्रका उम्मेदवार विजयी भएका छन् । कांग्रेस उम्मेदवार छवि लामाले ७१२९ मत प्राप्त गरे । उनका निकटतम प्रतिद्वन्द्वी एमालेका ऋषिकेशव उप्रेतीले ५००८ मत मात्र प्राप्त गरे । त्यस्तै उप प्रमुखमा माओवादी केन्द्रका रविचन्द्र आचार्य विजयी भएका छन् । उनले ७५११ मत प्राप्त गरे । दोलखाका धेरै स्थानीय तहमा कांग्रेस र माओवादीबीच तालमेल भएको थियो ।