कांग्रेसमा उम्मेदवार छान्न सकस, बैठकमा चर्काचर्की
सहयात्रा टिभी
काठमाडौं । नेपाली कांग्रेसमा दोस्रो चरणको स्थानीय तह निर्वाचनका लागि उम्मेदवार छान्न सकस भएको छ । उम्मेदवारको टुंगो लगाउन पार्टी कार्यालय सानेपामा बसेको कार्य सम्पादन समितिको बैठकमा नेताहरुबीच उम्मेदवार छनौटको विषयलाइ लिएर चर्काचर्की भएपछि बैठक नै प्रभावित हुन पुग्यो । पहिलो चरणको बैठक बिना निष्कर्ष सकियो । बैठकमा मन्त्रिमण्डलमा सहभागि हुने नामको पनि टुङगो लगाउने अवस्था आएपछि समस्या भएको हो । बैठकमा नेताहरुले उम्मेदवार र मन्त्री हुनेमा आ– आफ्ना मान्छे हुनैपर्ने अडान राखेपछि समस्या भएको हो । निर्वाचन हुन बाँकी महानगर र उपमहानगरपालिकासहित विवादित ठाउँका उम्मेदवारको टुङगो लगाउन प्रधानमन्त्री तथा सभापति शेरवहादुर देउवाले बैठक बोलाउनु भएको हो ।