बेलायतमा संसदीय निर्वाचन, ६५० सांसद चुनिदै

सहयात्रा टिभी

बिबिसि । ब्रिटेनको आमचुनावका निम्ति बिहीबार मतदान भएको छ । देशभरका ४० हजार मतदान केन्द्रमा बिहानैदेखि मतदानका लागि सर्वसाधारण लाइन लागेका थिए । ६५० सांसद चुन्न चार करोड ६९ लाख मतदाताको नाम मतदाता सूचीमा छ । मतदान सकिए लगत्तै गणना हुने भएकाले मध्यरातबाटै मतपरिणाम आउने छ । अन्तिम परिणाम भने शुक्रबार दिउँसोसम्म आउनेछ । प्रधानमन्त्री टरिजा मे ले समय अगावै उक्त आमचुनावको घोषणा गरेकी थिइन । यो चुनाव गएको तीन वर्ष यता भएको तेस्रो राष्ट्रिय निर्वाचन हो ।