राजपा नैतिक संकटमा, रूपन्देहीमा राजपा नेताहरुको स्वतन्त्र उम्मेदवारी
सहयात्रा टिभी
रुपन्देही । चुनाव बहिष्कार गरेको राष्ट्रिय जनता पार्टीका नेताहरुले रुपन्देहीमा स्वतन्त्र रुपमा उम्मेदवारी दर्ता गराएका छन् । रुपन्देहीका सम्मरीमाई, मर्चवारीमाई र कोटहीमाईमा राजपाका नेताहरुले स्वतन्त्र रुपमा उम्मेदवारी दर्ता गराएका हुन् ।
राजपाका नेता सर्वेन्द्रनाथ शुक्लको निर्वाचन क्षेत्र नम्बर ६ का गाउँपालिकामा १ सय ११ पदमा स्वतन्त्र उम्मेदवारी दर्ता गराएका छन् । सम्मरीमाई गाउँपालिकाको अध्यक्षमा अशोक कुमार शुक्ल, उपाध्यक्षमा कमालुद्दिन शेख स्वतन्त्र उम्मेदवार बनेका छन् ।
यस्तै कोटहीमाई गाउँपालिकाको अध्यक्षमा बालकिशुन तिवारी र उपाध्यक्षमा असर्फी यादवले उम्मेदवारी दर्ता गराएका छन् । मर्चवारी गाउँपालिकाको अध्यक्षमा राजकुमार सिंह र उपाध्यक्षमा जानकीप्रसाद चौधरीले उम्मेदवारी दिएका छन् ।