जसले अज्ञात समूहले फालेको बम भूँइमा नखस्दै समाते र मतदानस्थल भन्दा पर फाल्न सफल भए
सहयात्रा टिभी
दाङ । दाङको मतदान केन्द्रमा अज्ञात समूहले निर्वाचनस्थललाई लक्षित गरी फालेको बम नेपाल प्रहरीका हवल्दार दुर्गा बहादुर रानाले भूँइमा नखस्दै हातले समातेर मतदान केन्द्र भन्दा बाहिर फाल्न सफल भएका छन् । यस्तो साहसिक काम प्रहरी हवल्दार दुर्गा बहादुर रानाले आफू खटिएको मतदास्थलमा अज्ञात समूहले फालेको बम देख्नेवित्तिकै आफ्नो वास्ता नगरि आम नागरिकको सुरक्षार्थ खटिएका उनले आफ्नो कर्तव्य पालना गरे । दाङको तुलसीपुर ३ अम्बास मतदान केन्द्रमा सुरक्षामा रहेका रानाले सो बुथमा फालिएको बमलाई हातले समातेर वाहिरै फालेर चामत्कारीक काम गरेका छन्, जसले गर्दा रानाले त्यहां हुन सक्ने ठूलो दुर्घटनावाट वचाएका छन् ।
अज्ञात समूहले फालेको उक्त बम हवल्दार रानाले हातवाट फाले लगत्तै पड्किएको थियो, सो वम उनले मतदानस्थल भन्दा केहि पर फाल्न सफल भएकाले कुनै क्षति भने नभएको दाङ जिल्ला प्रहरी कार्यलयले जनाएको छ ।