बैतडीको पुरचौंडी नगरपालिकामा मेयर एवं उपमेयर दुवैमा माओवादी विजयी
सहयात्रा टिभी
बैतडी । बैतडीको पुरचौडी नगरपालिकाको मेयरमा नेकपा माओवादीका रणबहादुर कुँवर विजयी भएका छन् । जिल्लाका १० वटा स्थानीय तहमध्ये पुरचौडी नगरपालिकामा माओवादी केन्द्र विजयी भएको हो । कुंवरले ४ हजार ४ सय ४६ मत ल्याएर विजय भए भने उनका प्रतिद्वन्दी नेपाली कांग्रेसका दीपकबहादुर बमले ४ हजार १ सय ११ मत प्राप्त गरे ।
यस्तै, उपमेयरमा नेकपा माओवादीका उम्मेदवार जानकी ऐर बम विजयी भएका छन् । बमले ४ हजार ९ सय ८४ मत ल्याएर विजयी भए भने उनका प्रतिद्वन्दी नेकपा एमालेकी जानकी साउँदले ३ हजार ९ सय ८७ मत प्राप्त गरिन् ।