देशभर बाढीका कारण ठूलो मात्रामा जनधनको क्षति : ललितपुरमा पनि गोदावरी खोलामा आएको बाढी बस्तीमा पस्यो (फोटो फिचर)
सहयात्रा टिभी
ललितपुर । केहि दिन देखिको अविरल वर्षाका कारण देशभर बाढी र पहिरोले ठूलो मात्रामा धनजनको क्षति भएको छ । सुनसरी सप्तरी लगायतका तराईका अधिकांश जिल्लामा बाढीका कारण हालसम्म ३० जनाभन्दा वढिको मृत्यु भईसकेको खवर प्राप्त भएको छ भने धेरै घरवारविहिन भएका छन् ।
यसरी बाढी आउने क्रममा ललितपुरस्थित गोदावरी खोलामा आएको बाढीले पनि ललितपुर र भक्तपुरका विभिन्न ठाउँ डुबानमा परेका छन् ।
गादावरी खोलामा आएको बाढीका कारण ललितपुरको महालक्ष्मी नगरपालिका तथा भक्तपुरको सूर्य्विनायक नगरपालिकाका खोला किनारका वस्ती डुबानमा परेका हुन् । बाढीले गोदावरी तथा लुभु क्षेत्रमा कटान पनि गरेको छ ।
