देउवा नेतृत्वको सरकारमा पुनः मन्त्रीपरिषद् विस्तार हुदै, राप्रपा प्रजातान्त्रिक पनि सरकारमा

सहयात्रा टिभी

काठमाडौं । प्रधानमन्त्री शेरबहादुर देउवाले आज मन्त्रीपरिषद् विस्तार गर्ने तयारी गरेको स्रोतले जानकारी दिएको छ । अव हुने मन्त्रीपरिषद् विस्तारमा राप्रपा प्रजातान्त्रिक सरकारमा सहभागी हुने भएपछि देउवा नेतृत्वको सरकार विस्तार हुने भएको हो । राप्रपा प्रजातान्त्रिकले ४ वटा मन्त्रालय माग गरेको छ । तर प्रधानमन्त्री कार्यलयले भने ३ वटा मन्त्रालय दिएर मन्त्रीपरिषद् विस्तार गर्ने तयारी गरेको वुझिएको छ ।

राप्रपा प्रजातान्त्रिकका अध्यक्ष पशुपति शमशेर राणाले सुनिल थापा, विक्रम पाण्डे, रामकुमार सुब्बा, दिपक बोहोरा मध्येबाटै मन्त्री बनाउने तयारी गरेको पनि वुझिएको छ । तीन जना मात्र मन्त्री भए पनि सरकारमा सहभागी हुने मनस्थितिमा रहेको राप्रपा प्रजातान्त्रिकले ती मन्त्रालयमा राज्यमन्त्री पनि नियुक्त गर्नुपर्ने माग गरेको छ ।
प्रधानमन्त्री देउवा आफैसँग भएका उद्योग, वन तथा भूसंरक्षण, विज्ञान तथा प्रविधि र शान्ति तथा पुनर्निर्माण मन्त्रालयमध्येबाट ३ मन्त्रालय राप्रपा प्रजातान्त्रिकलाई दिने तयारी भईरहेको छ । मन्त्रीपरिषद्मा हाल प्रधानमन्त्री, ३ जना उपप्रधानमन्त्री, २६ मन्त्री र २३ जना राज्यमन्त्री गरी ५० सदस्यीय जम्बो मन्त्रीपरिषद रहेको छ भने अव पुनः मन्त्रीपरिषद विस्तारसंगै देउवा नेतृत्वको मन्त्रिमण्डल झनै जम्वो हुनेछ ।