बारामा एमालेले खाता खोल्यो : बाराको जीतपुरसिमरा उप–महानगरपालिकाको मेयर तथा उपमेयर दुवैमा एमाले विजयी

सहयात्रा टिभी

सिमरा । प्रदेश नम्बर २ का ३ उपमहानगरपालिकामा एमालेले जितेको छ । बाराको जीतपुरसिमरा उप–महानगरपालिकाको मेयरमा एमालेका युवा नेता डा.कृष्ण पौडेल १४ हजार ८ सय ६५ मतसहित विजयी भएका छन् भने उनका निकटतम प्रतिद्धन्दी नेपाली कांग्रेसका कृष्णव्रत सिंहले १२ हजार ४३ मत मात्र प्राप्त गरे ।

त्यस्तै, मुलुकको कान्छो उपमहानगरपालिका भनिने बाराको जीतपुरसिमरा उप–महानगरपालिकाको उपमेयरमा पनि एमालले नै वाजी मारेको छ । एमालेको उपमेयरको उम्मेदवार सरस्वती चौधरी १४ हजार ४ सय ५९ मत प्राप्त गरी बिजयी भईन भने उनको निकटतम प्रतिद्धन्दी कांग्रेसकी निरु रायमाझीले १२ हजार ४ सय ६५ मत मात्र प्राप्त गरिन् । जितपुर सिमरा उपमहानगरपालिकाको विजयसँगै बारामा एमालेले खाता खोलेको छ ।