राष्ट्रपति भण्डारीद्धारा शुभसाइतमा हनुमानढोका दसैँघरका मूल पुजारीबाट विजयादशमीको टीका ग्रहण
सहयात्रा टिभी
काठमाडौँ । राष्ट्रपति विद्यादेवी भण्डारीले राष्ट्रपति भवन शीतल निवासमा आज विहान ११ बजेर ५५ मिनेटको शुभसाइतमा हनुमानढोका दसैँघरका मूल पुजारी देवराज अर्यालबाट विजयादशमीको टीका ग्रहण गर्नुभएको छ ।
मूल पुजारी अर्यालले राष्ट्रपति भण्डारीलाई शास्त्रोक्त विधिपूर्वक अभिषेक गर्दै जमरा र नवदुर्गाको प्रसाद प्रदान गर्नुभएको थियो ।
सोही अवसरमा राष्ट्रपति भण्डारीलाई उहाँकी आमा मिथिला पाण्डे, काका जयन्त पाण्डेले पनि टीका लगाइदिनुभयो । राष्ट्रपति भण्डारीले छोरी तथा ज्वाईहरुलाई तथा आफन्तहरुलाई टीका लगाइदिनुभयो । राष्ट्रपतिले आज अपरान्ह २ बजेदेखि सर्वसाधारणलाई समेत दसैँको टीका लगाईदिनुभएको छ ।