ट्याक्सी दुर्घटना हुदां आठ घाइते, दुईको अवस्था गम्भीर
सहयात्रा टिभी
इलाम । इलामको देउमाई नगरपालिकामा बिहीबार ट्याक्सी दुर्घटना हुदां आठजना यात्रु घाइते भएका छन् । को १ ज १४११ नम्बरको ट्याक्सी दुर्घटना भएको जिल्ला प्रहरी कार्यालय इलामले जनाएको छ । घाइते हुनेहरुमा माङसेबुङ गाउँपालिका वडा नम्बर २ का १९ वर्षकी उमा बुढाथोकी, ५५ वर्षका रामबहादुर बुढाथोकी, ४५ वर्षकी साबित्रा बुढाथोकी, ४५ वर्षकै लिला बुढाथोकी, देउमाई नगरपालिका ८ का ४७ वर्षका गणेश बराल, २५ वर्षकी लक्ष्मि बराल, वडा नम्बर ४ का १७ वर्षका सुबास सोनाम र ट्याक्सी चालक इलामनगरपालिका १ का ३० वर्षका भूपेश राई रहेका छन् ।
घाइतेमध्ये दुई जनाको अवस्था गम्भीर रहेको प्रहरीले जनाएको छ । घाइतेहरुलाई उपचारका लागि झापाको बिर्ता्सिटी हस्पिटल पठाएको प्रहरीले जनाएको छ । ट्याक्सी सडकबाट झण्डै ३० मिटर तल खसेको थियो ।