छठ मनाउन गएका युवकको पोखरीमा डुबेर मृत्यु

सहयात्रा टिभी

राजविराज । यस वर्षको छठ पर्वको अन्तिम दिन आज छठ मनाउन गएका एक युवकको पोखरीमा डुबेर मृत्यु भएको छ । युवकको पोखरीमा डुवेर मृत्यु भएपछि गाउँ शोकमग्न भएको छ। पोखरीमा डुबेर रुपनी गाउँपालिका ३ कटैयाका १९ वर्षीय भुपेन्द्र साहको डुबेर मृत्यु भएपछि गाउँ शोकमग्न भएको हो।

पोखरीको बीच भागमा झण्डा गाडेर फर्किने क्रममा थाकेर पौडिन नसकी डुबेका साहलाई तत्काल उद्धार गरी उपचारका लागि सदरमुकाम राजविराज ल्याउने क्रममा बाटोमा मृत्यु भएको सप्तरीका प्रहरीले जनाएको छ । काठमाडौंमा व्यवस्थापन संकायमा कक्षा १२ मा अध्ययनरत साह छठ मनाउनका लागि केही दिन अघि मात्रै घर आएका थिए । छठ मनाउने क्रममा युवक साहको मृत्यु भएपछि गाउँ शोकमग्न भएको छ ।