गुल्मीमा माइक्रो बस दुर्घटनामा मृत्यु हुनेकाे संख्या ८ पुग्यो, ९ जना घाइते
सहयात्रा टिभी
गुल्मी । बुटवलबाट तम्घासतर्फ गइरहेको माइक्रो बस गुल्मी दरबार गाउँपालिका–३ स्थित वीरबास भन्ने स्थानमा भएको दुर्घटनामा मृत्यु हुनेको संख्या ८ पुगेको छ ।
सात जनाको घटनास्थल मै मृत्यु भएको थियो भने घाइते भएका एक जनाको उपचारका क्रममा पाल्पाको मिशन अस्पतालमा मृत्यु भएको प्रहरीले जनाएको छ । उपचारका क्रममा मृत्यु हुने गाडीका चालक रहेको प्रहरीले बताएको छ । बा ४ ख ५५०१ नम्बरको माइक्रो सडकबाट ३ सय मिटर तल खसेर दुर्घटना भएको प्रहरीले जनाएको छ ।
दूर्घटनामा ९ जना घाइते भएका छन् । घाइतेमध्ये तीन जनाको अवस्था गम्भिर रहेको बताइएको छ ।
माइक्रो बसमा बुटवलबाट चालकसहित १३ जना यात्रु चढेका थिए । स्थानीयका अनुसार स्थानीयका अनुसार बिपरित दिशाबाट आएको जीपसँग ठोक्किएर माइक्रो भीरबाट खसेको बताइएको छ ।