भोलिदेखि काठमाण्डौ–कुवेत सिधा उडान
सहयात्रा टिभी
काठमाण्डौं । भोलि (बुधबार) देखि कुवेत–काठमाण्डौं–कुवेत सिधा उडान शुरु हुँदैछ । कुवेतको वातानिया एयरवेजले बिहीबार बाहेक साताको ६ दिन कुवेत–काठमाण्डौं प्रत्यक्ष उडान शुरु गर्न लागेको हो ।
उक्त विमान सेवाले यात्रुलाई प्रदान गर्ने सेवा सुविधाबारे विमान कम्पनीका उच्चअधिकारीसँग आज कुवेतका लागि नेपालका राजदूत यज्ञबहादुर हमालले छलफल गरेको परराष्ट्र मन्त्रालयले जनाएको छ । काठमाण्डाँं–कुवेत सिधा उडानबाट नेपाल–कुवेत सम्बन्ध सुदृढीकरणका साथै कुवेतमा रहेका नेपाली र कुवेती नागरिकलाई नेपाल भ्रमण गर्न सहज हुने अपेक्षा गरिएको छ ।