हलमा लाग्यो ‘दिपज्योति’
सहयात्रा टिभी
प्रतिनिधिसभा र प्रदेशसभा निर्वाचनको असर दर्शक फ्लोमा देखिन सक्ने डरले नयाँ नेपाली फिल्म पर्दामा आउन सकेन । दुई सातायता मल्टिप्लेक्स केन्द्रित फिल्म रिलिज भएनन् । सिंगल स्क्रिन रिलिज फिक्का र कन्फ्युज टिकेनन् । यस्तोमा फिल्म ‘दिपज्योति’ रिलिज भएको छ ।
त्रिकोणात्मक सम्बन्ध फिल्मको मुख्य विषय हो । जसको कथा हरिष पन्तले लेखेका हुन् भने संवाद तथा पटकथा लेखन शिव घिमिरेको छ । नारायण मैनालीले निर्देशन गरेको फिल्ममा पुष्कर रेग्मी, रजनी केसी, खुश्बु खड्का, प्रमोद दिप, निर शाह, सरोज खनाललगायतको अभिनय छ । विकास चौधरीको संगीत रहेको फिल्मलाई कृष्ण खनालले प्रस्तुत गरेका हुन् ।
दिपज्योतीमा रामजी लामिछानेको नृत्य निर्देशन, सम्राट बस्नेतको द्वन्द्व निर्देशन रहेको छ । फिल्मले सिंगल स्क्रिनमा सो पाएको छ । पूराना नेपाली फिल्महरु प्रेमगीत २, झ्यानाकुटी, मेला, छक्कापञ्जा २, फिक्का, सेतो सूर्य, ऐश्वर्यले पनि केही हलमा सो पाएका छन् ।