दाङ क्षेत्र नं ३ मा केसी निर्वाचित
सहयात्रा टिभी
दाङ । प्रतिनिधिसभा सदस्य दाङ क्षेत्र नं ३ मा वाम गठबन्धनतर्फबाट (एमाले) का हीराचन्द्र केसी ४० हजार २८७ मत ल्याएर विजयी भएका छन् ।
उनका निकटतम प्रतिद्वन्द्वी कांग्रेसका दीपक गिरीले ३३ हजार ७३० मत ल्याएको निर्वाचन अधिकृतको कार्यालयले जनाएको छ । केसीले गिरीभन्दा छ हजार ५७ मत बढी ल्याएका छन् । यसैगरी प्रदेशसभातर्फ दाङ क्षेत्र नं ३ को (क) बाट नेपाली कांग्रेसका डिल्लीबहादुर चौधरीले १७ हजार ३६ मत ल्याई विजयी भएका छन् ।
उनका निकटतम प्रतिद्वन्द्वी वाम गठबन्धनतर्फ (माओवादी केन्द्र) का उम्मेद्वार जगप्रसाद शर्माले १४ हजार ७०० मत प्राप्त गरेका छन् । त्यसैगरी प्रदेशसभा ३ को (ख) मा वाम गठबन्धनतर्फ उत्तरकुमार वली २३ हजार ९७० मत प्राप्त गरी विजयी भएका छन् भने उनका निकटतम प्रतिद्वन्द्वी नेपाली कांग्रेसका बुद्धिराम भण्डारीले १७ हजार ५३५ मत प्राप्त गरेका छन् ।