कञ्चनपुर–२ मा धामी विजयी
सहयात्रा टिभी
कञ्चनपुर । कञ्चनपुरको निर्वाचन क्षेत्र नं २ को प्रतिनिधिसभा सदस्यमा वाम गठबन्धनबाट उम्मेद्वार तथा नेकपा (एमाले) का नरबहादुर धामी विजयी भएका छन् ।
आइतबार राति सम्पन्न मतगणनाअनुसार निर्वाचित उम्मेद्वार धामीले ३३ हजार २२० मत प्राप्त गरी नेपाली कांग्रेसका उम्मेद्वार नारायणप्रकाश साउदलाई पराजित गरेका हुन् । कांग्रेस उम्मेद्वार साउदले २४ हजार ८९३ मत प्राप्त गरेको निर्वाचन अधिकृतको कार्यालयले जनाएको छ । यसअघि आइतबार उक्त क्षेत्रको प्रदेशसभा सदस्यमा वाम गठबन्धनकै उम्मेद्वार महेशदत्त जोशी र लालबहादुर खड्का निर्वाचित भईसकेका छन् ।