अस्ट्रेलिया इनिङ्स अन्तरले विजय
सहयात्रा टिभी
सिड्नी — एसेज सिरिज अन्तर्गत पाँचौ टेस्टमा अस्ट्रेलियाले इंग्ल्याण्डलाई एक इनिङ्स र १ सय २३ रनले पराजित गरेको छ । यस जितसँगै अस्ट्रेलियाले सिरिज ४–० ले जितेको छ । टेस्टको अन्तिम दिन इंग्ल्याण्ड १ सय ८० रनमा अलआउट भयो ।
कप्तान जो रुट बिमारीका कारण लन्चपछि ब्याटिङ गर्न नसक्दा इंग्ल्याण्ड समस्यामा परेको थियो । टोलीका लागि जोनी बेरस्टोले ३८ तथा टम करानले अविजित २३ रन जोडे । अस्ट्रेलियाका लागि प्याट कमिन्सले ४, नाथन लायनले ३ तथा मिचेल स्टार्क र जोश हेजलवुडले १–१ विकेट लिए ।
कुल ८ विकेट लिएका कमिन्स म्यान अफ द म्याच हुँदा कप्तान स्टिभ स्मिथ प्लेयर अफ द सिरिज भए ।