जाडो मौसममा यसरी गर्नुहोस् खुट्टाको स्याहार

सहयात्रा टिभी

जाडो मौसममा छालासँग सम्बन्धी विभिन्न समस्या देखिन्छन् । ती मध्ये छाला सुख्खा हुने, फुट्ने र चमक हराउने जस्ता समस्या प्रमुख हुन् । जाडोमौसममा कुर्कच्च फुट्ने समस्या पनि एक हो । आफ्नो छालालाई हेरविचार गरेमा केही हदसम्म फुट्नबाट बचाउन सकिन्छ ।

यदि तपाईको कुर्कुच्चा फुट्ने समस्या छ भने राती सुत्नु भन्दा पहिले खुट्टालाई तातो पानीमा केही समय राख्नुहोस् । यसले खुट्टा नरम हुनुका साथै खुट्टाको थकान पनि कम हुन्छ ।

खुट्टाको देखभाल गर्ने उपाय
– खुट्टामा जमेको धुलो माटो वा फोहोरलाई सफा गर्न एउटा टबमा मन तातो पानी लिने र त्यसमा ३ चम्चा नुन राख्ने । त्यसपछि सो पानीमा खुट्टालाई २० मिनेटसम्म डुबाउने । यसो गर्नाले खुट्टा सफा हुनुका साथै नरम पनि हुन्छ ।
– सकेसम्म खुट्टालाई जाडो मौसममा नरम बनाइ राख्नु पर्छ ।
राम्रो परिणामका लागि लोसनको सट्टा प्राकृतिक तेल प्रयोग गर्ने ।
– सँधै आरामदायक जुत्ता वा चप्पलको प्रयोग गर्ने । जसले खुट्टा फुट्नबाट जोगिन्छ ।
– खुट्टाको मृत कोषहरूलाई निकाल्न प्युमेस नामक ढुंगाको प्रयोग गर्ने । यसले कडा छाला निकाल्नमा मद्दत गर्छ ।
– खुट्टाको छालामा समस्या हुन नदिन तथा खुट्टा नरम बनाउन कागती काटेर रगड्ने गर्नुपर्छ । हप्तामा कम्तीमा एक पटक यसो गरे छाला सम्बन्धी समस्या हराएर जान्छ ।
– खुट्टालाई प्रत्येक रात मन तातो पानीले सफा गर्ने र राम्रोसँग सुकाएर लोसन लगाउने गर्नुपर्छ । यसो गरे खुट्टा नरम र मुलायम हुन्छ ।
– सुख्खा छालालाई कैँची वा चक्कुले काट्ने जस्ता काम कहिल्यै पनि गर्नु हुँदैन । यस्ता क्रियाकलापले छालामा संक्रमण हुन्छ ।
– खुुट्टामा प्राकृतिक तेलको प्रयोग गर्नुपर्छ । तेल लगाएर हल्का हातले रगड्दा कठोर छाला मुलायम हुन्छ र चम्किलो तथा सुन्दर देखिन्छ ।
– हरेक दिन कम्तीमा पनि ८ देखि १० गिलास पानी पिउने गर्नुपर्छ । साथै कैफिन र मादकपदार्थ सेवनबाट टाढा बस्नु पर्छ । किनकी यस्ता वस्तुले शरीरमा पानीको मात्रा कम गर्छ ।
– एक चम्चा तेलमा दुई चम्चा चिनी मिसाएर हात र खुट्टामा लगाएर रगड्नाले पनि हात र खुट्टा नरम हुन्छ । त्यसका लागि सूर्यमुखीको तेल प्रयोग गर्नुपर्छ ।
– राती सुत्ने बेलामा खुट्टामा तेल लगाउने र मोजा लगाएरै सुत्ने । (सौन्दर्य विज्ञ सरिता शर्मा)