अपडेट ! जिप दुर्घटनाः गाउँपालिका अध्यक्षसहित मृतकको संख्या ६ पुग्यो
सहयात्रा टिभी
संखुवासभा । संखुवासभाको मकालु गाउँपालिकामा जिप दुर्घटना भएको छ । सो जिप दुर्घटनामा परि गाउँपालिका अध्यक्ष खड्ग कटुवालसहित ६ जनाको मृत्यु भएको प्रहरीले जनाएको छ । खाँदबारीबाट भोट खोलातिर गइरहेको बा ५ च १३०९ नम्बरको जीप मकालु गाउँपालिका-३ सामाटारमा दुर्घटनामा परेको हो ।
दुर्घटनामा मृत्यु हुनेहरुमा कटुवाल र अर्का व्यक्ति सुरेश राईको मात्रै सनाखत भएको संखुवासभाका प्रमुख जिल्ला अधिकारी शिवराज जोशीले बताएका छन् । स्थानीय तह निर्वाचनमा कटुवाल नेकपा एमालेको तर्फबाट गाउँपालिका अध्यक्षमा निर्वाचित भएका थिए ।