बृहत्त साँकृतिका कार्यक्रम सहित गोलबजार महोत्सव माघ १५ देखि शुरु

सहयात्रा टिभी

सिराह । माघ–८ बजार स्थापना भएको ५०औँ वर्षको अवसरमा सिरहाको गोलबजारमा स्वर्ण महोत्सव आयोजना हुने भएको छ ।

गोलबजारको आर्थिक तथा भौतिक विकास, धार्मिक पर्यटन प्रवद्र्धन र स्थानीय स्तरबाट उत्पादित वस्तुको बजार प्रवद्र्धन गर्ने उद्देश्यले अगामी माघ १५ गतेबाट शुरु हुन लागेको हो । उक्त महोत्सव ७ दिनसम्म चल्ने मूल आयोजक समितिका संयोजक राजकुमार श्रेष्ठले जानकारी दिनुभयो ।

गोलबजारको मुख्य चौकमा आयोजना हुने महोत्सवमा २०० स्टल राखिने र अधिकांश स्टल बुक भइसकेको संयोजक श्रेष्ठले बताउनुभयो । श्रेष्ठका अनुसार महोत्सवबाट हुने आम्दानी गोलबजार उद्योग व्यापार संघको स्वामित्वमा रहेको अतिथि सदनलाई सहयोग गरिने छ ।

महोत्सवमा शुष्मा कार्की, सुगम पोखरेल, इन्दिरा जोशी,कमल खत्री लगायत ख्यातिप्राप्त कलाकारले सांगीतिक कार्यक्रम रहेको छ ।