राष्ट्रिय सभा निर्वाचनमा नयाँ शक्तिले काँग्रेसलाई मत दिने

सहयात्रा टिभी

काठमाडौ । माघ–१० नयाँ शक्तिले अगामी २४ गते हुने राष्ट्रियसभा सदस्य निर्वाचनमा प्रदेश ३ का कांग्रेस उम्मेदवार राधेश्याम अधिकारीलाई समर्थन गर्ने भएको छ । नयाँ शक्तिले आज बिज्ञप्ति जारी गर्दै नेपाली कांग्रेस, नयाँ शक्ति पार्टी र विवेकशील साझा पार्टीको बीचमा पटक–पटक छलफलबाट अधिकारीलाई सर्मथन गर्ने निर्णय भएको बताएको हो ।

विज्ञप्तिमा राष्ट्रियसभाको गरिमालाई बलियो बनाउने र विपक्षीहरुको सकारात्मक भूमिका र पहल कदमीलाई समेत संसदीय लोकतन्त्रको मान्यता अनुसार सुदृढ गर्ने अभिप्रायले नेपाली कांग्रेसका प्रदेश ३ का खुलातर्फका उम्मेदवार बरिष्ठ अधिवक्ता अधिकारीलाई समर्थन गर्ने र सोही अनुसार मतदान गर्ने निर्णय गरेको उल्लेख गरिएको छ ।

विवेकशील साझा पार्टीले पनि यसअघि विज्ञप्ति जारी गर्दै कांग्रेस उम्मेदवार अधिकारीलाई मतदान गर्ने बताएको छ ।