एमाले बैठक बस्दै : मुख्यमन्त्री छनोट प्रक्रियाबारे छलफल
सहयात्रा टिभी
काठमाण्डौँ । माघ १६, पार्टी एकता, राष्ट्रिय सभा निर्वाचन प्रदेश सरकारका मुख्यमन्त्री र सभामुखहरुको चयन प्रक्रिया बारे छलफल गर्न एमाले स्थायी कमिटि बैठक पार्टी कार्यलयमा बस्दै छ । प्रदेश ५ मा सर्बसम्मत रुपमा शंकर पोखरेललाई संसदीय नेताको रुपमा चुनेको एमालेमा अन्य प्रदेशमा संसदीय नेता कसलाई छान्ने भनेर बहस चलिरहेको छ ।
शंकर पोखरेललाई प्रत्यक्ष पार्टी बैठकबाट छनोट गरेको हुँदा अन्य प्रदेशमा पनि सोही तरिकाले नेता छान्ने या चुनाब गराउने भन्ने बहस चलिरहेको छ । एमाले अध्यक्ष केपी शर्मा ओलीले बोलाएको बैठकमा कुन प्रक्रियाबाट मुख्यमन्त्री र सभामुखका उम्मेदवार तय गर्ने भन्ने बारेमा छलफल हुने छ ।