नेपाल र युएइको खेल ढिला सुरु हुने

सहयात्रा टिभी

काठमाण्डौ । माघ २८, विश्व क्रिकेट लिग डिभिजन टू अन्तर्गत आज नेपाल र युएइबीच हुने खेल पानी परेका कारण पुर्व निर्धारित समय भन्दा ढिलो सुरु हुने भएको छ । पिच ओसिलो भएपछि अझैसम्म टस हुन सकेको छैन । यसअघि नेपाली समय अनुसार सवा १ बजेपछि खेल सुरु हुने तय गरिएको खेल पिच चिसो भएका कारण टस समेत भएको छैन । अघिल्ला दुई मध्ये एक खेल मात्र जितेको नेपाल र युएइ दुबैलाई प्रतियोगिताको शीर्ष २ मा रहन सबै खेल जित्नुपर्ने दवाव छ ।यो खेलमा पराजित हुने टोलीका लागि प्रतियोगिताको शीर्ष २ मा रहँदै विश्वकप छनोट खेल्ने सपना पूरा गर्न कठिन हुनेछ ।
अर्कातर्फ नेपालका लागि युएइ बलियो प्रतिस्पर्धी हो ।

नेपालले यसअघि नामिबियालाई हराएको थियो भने ओमानसँग पराजित भएको थियो । युएईले यसअघि केन्यालाई हराएको भने क्यानडासँग पराजित भएको थियो । रन औसतका आधारमा युएई नेपालभन्दा अगाडी रहेको छ ।