संसदीय दलको नेता स्वयम बन्ने देउवाको दाबी
सहयात्रा टिभी
काठमाण्डौँ । फागुन १६,बहसमा रहेको नेपाली काँग्रेसको संसदीय दलको नेतामा पार्टी सभापति शेरबहादुर देउवाले आफ्नो उमेद्वारी रहने बताएका छन् । कांग्रेस महामन्त्री शशांक कोइरालाको निजी निवास टोखामा आयोजनामा भएको दिवा भोजमा वोल्दै देउवाले संसदीय दलमा पनि आफ्नै नेतृत्व रहने बताएका हुन् ।
काँग्रेसले फागुन २१ गते संसदीय दलको नेता चयन गर्दै छ जसमा प्रकाशमान सिंह तथा शेरबहादुर देउवा आकांक्षी रहेका छन् । कांग्रेस महामन्त्री शशांक कोइरालाले पनि सर्वसम्मत भएको खण्डमा आफू पनि दलको नेतामा छानिन तयार रहेको बताएका छन् ।
कांग्रेस संसदीय दलको निर्वाचनका लागि १८ गते निर्वाचन तालिका अनुसार प्रकाशन हुने छ भने २० गते उम्मेदवारी दर्ता र २१ गते निर्वाचन हुने छ।