अन्तर्राष्ट्रिय क्रिकेट स्टेडियम बनाउने धुर्मुुसको घोषणा
सहयात्रा टिभी
काठमाण्डौँ । चैत्र १५, नमुना बस्ती लगायत भुकम्प पछि संरचना निर्माणमा सक्रिय सीताराम कट्टेल धुर्मुुसले अन्तर्राष्ट्रिय क्रिकेट स्टेडियम बनाउने बताएका छन् । कट्टेलले बिहीवार फेसबुकमा स्टाटस लेख्दै यस्तो घोषणा गरेका हुन् ।
हाल नेपाल भित्रको नेपाल ‘नमुना नेपाल’ निर्माण परियोजनामा व्यस्त रहेका धुर्मुसले नेपालमा एउटा अन्तर्राष्ट्रिय स्तरको क्रिकेट मैदान अपरिहार्य रहेको बताउँदै दुवै कार्यलाई सँगै अघाडि बढाउने बताएका छन् ।
उनले यो योजना फाउन्डेसनको मात्रै नभइ राष्ट्रकै अभियान भएको बताएका छन् । कट्टेलले छुट्टै ईन्टरनेशनल क्रिकेट स्टेडियम निर्माण समिति बनाएर त्यसैको रोहवरमा क्रिकेट स्टेडियम बन्ने बताएका हुन ।
उनले अन्तिममा “नमुना नेपाल अनि क्रिकेट स्टेडियम । अब भन्नुहोस कुन चाँही पहिला ?” भनि प्रश्न गरेका छन् ।
