डिपिएल २, टीम चौरहा धनगढी डिपिएल २ च्याम्पियन
सहयात्रा टिभी
धनगढी । चैत्र ३०, धनगढी प्रिमियर लिग (डिपिएल) को उपाधि टीम चैरहा धनगढीले हात पारेको छ । टस जितेर ब्याटिङ रोजेको धनगढीले निर्धारित २० ओभरको खेलमा ४ विकेटको क्षतिमा १ सय ८१ रन बनाएको थियो । धनगढिको लागि सुनिल धमला र रोहन मुस्तफाले उत्कृष्ट प्रदर्शन गरे । सुनिलले ७८ रन र रोहन मुस्ताफाले ६० रनको महत्वपुर्ण योगदान दिए । काठमाण्डौँका लागि सुबोध भाटीले २ विकेट तथा सन्नी पटेलले १ विकेट लिए ।
जवाफी ब्याटीङमा उत्रिएको काठमाण्डौँले निर्धारित ओभरमा ८ विकेटको क्षतिमा १६० रन मात्र बनाउन पुग्यो । काठमाण्डौँका लागि अमित श्रेष्ठले विष्फोटक ब्याटिङ गर्दै ५८ रन बनाए भने कप्तान ज्ञानेन्द्र मल्लले ३०, सन्नी पटेलले २२ र नरेश बुढाऐरले १९ रन बनाएता पनि यो जीतका लागि पर्याप्त हुन सकेन । ललित भण्डारीले ३ र रोहन मुस्ताफाले २ विकेट लिए ।
साविक विजेतासमेत रहेको धनगढीले २५ लाख नगद पाएको छ ।