इलामको चुलाचुली गाउँपालिका भवनमा बम बिस्फोट
सहयात्रा टिभी
इलाम । वैशाख -२, इलामको दक्षिणी भेगमा पर्ने चुलाचुली गाउँपालिकाको भवनमा अज्ञात समूहले बम विस्फोट गराएका छन् । शनिबार राति ८:३० मा भएको विस्फोट बाट गाउँपालिकाको सभा हल र कार्यपालिकाको बैठक कक्ष पूर्णरुपमा क्षति भएको स्थानियबासीले बताएका छन् ।
सभाहलको आठ वटा झ्यालका सिसा फुटेको तथा आल्मुनियमको सिलिङ पूर्णरुपमा क्षति पुगेको बताइएको छ। घटनास्थलमा हेर्दा कुकरका पाप्रा र तारहरु भेटिएकाले कुकर बम विस्फोट गराइएको हुन सक्ने अनुमान गरिएको छ । प्रहरीले विस्फोट कसले र किन गरायो भन्ने बारे अनुसन्धान गरिरहेको छ ।