लिभिङ टुगेदरमा रहेका प्रेमिबाट प्रेमीकाको हत्या

सहयात्रा टिभी

 काठमाण्डौं । वैशाख –३ बसुन्धरामा शारीरिक सम्बन्धमा कुरा नमिलेपछि हत्या भएकी युवतीको हत्यारा पक्राउ परेका छन् ।आइतबार शारीरिक सम्बन्धका विषयमा कुरा नमिलेपछि लिभिङ टुगेदरमा बस्दै आएका आफ्नै प्रेमिले प्रेमीकाको हत्या गरेका थिए । घटना भएको २४ घण्टा नवित्दै प्रहरीले हत्यारा विजय तामाङलाई सोमबार विहान उनकै डेराबाट पक्राउ गरेको हो । गोरखा घर भएकी करिव ३२ वर्षकी पूर्णीमा विक र पर्सा घर भएका करिव ३० वर्षिया विजय तामाङ पाँच महिना देखि लिभिङ टुगेदरमा बस्दै आएका थिए । सँगै बस्दै आएका उनीहरु आइतवार सँगै रक्सि पिएर फर्कदा पूर्णिमा कोठा जान नमाने पछि रिसको झोकमा ढुङगाले हानेको तामाङले वयानमा प्रस्ट्याए । ढुङ्गाले हानेपछि कोठा गएर खाना बनाइ खाएर सुतेका विजयले विहान प्रहरी आएपछि मात्र पूर्णीमाको मृत्यु भएको थाहा पाएको बताए ।