कटुवा पेस्तोल सहित दुईजना पक्राउ
सहयात्रा टिभी
काठमाण्डौँ । वैशाख – ३,जानकी गाउँपालिकामा कटुवा पेस्तोल सहित दुईजनालाई प्रहरीले पक्राउ गरेको छ । हतियार ओसारपसारको आरोपमा प्रहरीले उनीहरुलाई हिरासतमा लिएको हो ।
चेकजाँचको क्रममा जानकी गाउँपालिका –६ का प्रमोद चमारले मोटरसाइकलमा लुकाई ल्याएको एक थान कटुवा पेस्तोल र ३ राउण्ड उक्त पेस्तोलमा प्रयोग हुने गोली सहित दुई जनालाई पक्राउ गरेको सङ्घीय प्रहरी इकाइ कार्यालय नेपालगञ्जले जनाएको छ ।पूर्व सुचनाको आधारमा चेकजाँच गर्दा चमार पक्राउमा परेका भने उनको बयान अनुसार उनलाई हतियार बेच्ने जानकी गाउँपालिकाकै शोभाराम यादव रहेको र उनलाई पनि सोमबार विहान पक्राउ गरेको प्रहरीले जानकारी दिए । पक्राउ परेका अपराधीको बारेमा थप अनुसन्धान भइरहेको सङ्घीय प्रहरी कार्यालय नेपालगञ्जले जानकारी दिएको छ ।