लागुऔषधसहित ४ युवक पक्राउ
सहयात्रा टिभी
विराटनगर । बैशाख–१३, लागुऔषधसहित झापा र सुनसरीबाट ४ जनालाई प्रहरीले पक्राउ गरेको छ ।
मेचीनगर नगरपालिका–६ स्थित मेचीपुलबाट विर्तामोड नगरपालिका–५ का १७ वर्षीय प्रज्वल चौधरी र १७ वर्षीय विमल थापा पक्राउ परेका हुन्। उनीहरुको साथबाट ४ सय ५० ग्राम ब्राउन सुगर बरामद भएको प्रहरीले जनाएको छ। उनीहरुलाई इलाका प्रहरी कार्यालय काकड्भिट्टामा राखिएको छ।
त्यसैगरि को५प १४९८ नम्बरको मोटरसाइकलमा विराटनगरबाट इटहरीतर्फ जाँदै गरेका धरान–१२ का ३० वर्षीय अकुम्बा लिम्बु र धरान–१० का ३२ वर्षीय ललित लिम्बुलाई प्रहरीले पक्राउ गरेको हो। उनीहरुको साथबाट एभिल, डाईजेल्याप, लुपिजेसिक, फेनारगन तथा ईन्जेक्सन बरामद भएको छ। भारतको जोगबनीबाट लागुऔषध खरिद गरी फर्कदै गर्दा पक्राउ परेका दुवैलाई इलाका प्रहरी कार्यालय दुहवीमा राखिएको छ।