कक्षा १२ को परीक्षा आजबाट शुरु
सहयात्रा टिभी
काठमाण्डौं । बैशाख–१४, कक्षा १२ को परीक्षा आजबाट देशभर एकैसाथ शुरु भएको छ ।
राष्ट्रिय परीक्षा बोर्डले सञ्चालन गरेको माध्यमिक शिक्षा उत्तीर्ण (एसएलसी ) अथवा कक्षा १२ को परीक्षा आज बिहान ७ बजेबाट शुरु भएको हो ।
देश भर १ लाख ५१ हजार परीक्षा केन्द्रमा ४ लाख १५ हजार २५२ परीक्षार्थी सहभागी भएका छन् । परीक्षामा दुई लाख आठ हजार २७६ छात्र र दुई लाख छ हजार ९७५ छात्रा रहेका छन् ।
सबैभन्दा बढी काठमाडौँमा ११४ वटा र सबैभन्दा कम मनाङ र मुस्ताङमा एक–एक वटा परीक्षा केन्द्रमा परीक्षा भइरहेको छ । सबै परीक्षा केन्द्रमा शान्तिपूर्णरुपमा परीक्षा शुरु भएको बोर्डका परीक्षा नियन्त्रक डम्बर बतासले जानकारी दिए ।