पत्नी हत्याको आरोपमा पति पक्राउ
सहयात्रा टिभी
महोत्तरी । बैशाख–१६, पत्नी हत्याको आरोपमा प्रहरीले पति शिवशंकर दासलाई पक्राउ गरेको छ ।
मटिहानी नगरपालिका–२ बस्ने ३० वार्षिय पुनमदेवी दास खत्बेको हत्याको आरोपमा उनका पति शिवशंकरलाई महोत्तरी जिल्ला प्रहरी कार्यालयले पक्राउ गरेको हो ।
जनकपुर मटिहानी सडक खण्डअन्तर्गत बर्दाहस्थित सडक छेउमा गत चैत २१ गते बोराभित्र हालिएको अवस्थामा खत्बेको शव भेटिएको थियो । खत्बेको हत्या पछि उनका श्रीमान शिवशंकर फरार भएका थिए ।
उनलाई प्रहरीले नेपाल भारत सिमा क्षेत्रबाट पक्राउ गरेको हो । घटनाको बारेमा थप अनुसन्धान भइरहेको प्रहरीले जनाएको छ ।