सप्तरीमा माइक्रोबस र ट्रक एकापसमा ठोक्किँदा एक जनाको मृत्यु
सहयात्रा टिभी
राजविराज । वैशाख–१६, माइक्रोबस र ट्रक ठोक्किँदा एक जनाको मृत्यु भएको छ । सप्तरीको खडक नगरपालिका–६ स्थित मिलन चोकमा गएराति माइक्रोबस र भारतीय ट्रक एकापसमा ठोक्किँदा एक जनाको मृत्यु भएको हो । 
काठमाण्डौँबाट सप्तरी फतेपुर आउँदै गरेको बा४ख ८२४८ नम्बरको माइक्रोबस र विपरीत दिशाबाट जादै गरेको बीआर ०६ जीसी ७६६६ नम्बरको भारतीय ट्रक एक आपसमा ठोकिएको थियो ।
ठक्कर दिने चालक फरार भएर उनको खोजि भइरहेको इलाका प्रहरी कार्यालय कल्याणपुरले जनाएको छ । काभ्रेपलाञ्चोक फुलबारी बस्ने मोइक्रोबस चालक ३५ वर्षीय रामशरण गौतमको मृत्यु भएको जिल्ला प्रहरी कार्यालय, सप्तरीले जनाएको छ ।