चितवनको भाटभटेनीमा विप्लव कार्यकर्ताद्वारा बम विस्फोट
सहयात्रा टिभी
काठमाण्डौं । बैशाख–३०,आइतबार विहान करिब साढे तीन बजे तिर विप्लव नेतृत्वको नेपाल कम्युनिष्ट पार्टी कार्यकर्ताले चितवनको भरतपुरस्थित रहेको भाटभटेनी सुपर मार्केटमा बम विस्फोट गरेका छन ।
मोटरसाईकलमा आएको दुई जनाले ग्रीनेड बोम विस्पोट गरेको चितवनको प्रहरी प्रमुख दिपक थापाले बताएका छन । उनले बम विस्फोट गर्नेको पहिचान भईसकेको भन्दै खोजी तिव्र भईरहेको जानकारी दिएका छन ।
विस्फोटबाट सुपरमार्केटका सिसाहरु फुटेक छन् । अन्य मानवीय क्षति भने नभएको प्रहरीले जनाएको छ । मोटरसाईकलमा आएका दुई जना मध्ये सिसि टिभिबाट फुटेजबाट एक जनाको पहिचान भईसकेको प्रहरीले बताएकोे छ । उनीहरु विप्लवका कार्यकर्ता भएको दाबी गर्दै प्रहरीले खोजी गरिरहेको थापाले जानकारी दिएका छन।