विद्यालयमा विद्यार्थीको सव फेला, घटना रहस्यमय
सहयात्रा टिभी
धनुषा । जेठ–६, जनकपुरको एक विद्यालयमा एक विद्यार्थीको झुन्डीएको अवस्थामा सव फेला परेको छ । जनकपुर उपमहानगरपालिकाको भानुचोकस्थीत मिथिला वोर्डिङ स्कुलमा कक्षा १० मा पढ्ने धिरेन्द्र शाह नामका विद्यार्थी विद्यालयमै झुन्डीएको अवस्थामा फेला परेका हुन् ।
जनकपुर उपमहानगरपालिका -१५ को कुवारामपुरका रुपनारायण शाहको छोरा धिरेन्द्र सोहि विद्यालयको होस्टलमा बस्दै आएका थिए । राति होस्टलकै ग्रिलमा झुन्डीएको अवस्थामा धिरेन्द्रलाई भेटेपछि उनका साथिहरुले प्रशासनमा जानकारी गराएका थिए ।
शव परीक्षणका लागी जनकपुर अञ्चल अस्पताल पु¥याएको धनुषाका प्रहरी उपरीक्षक गोविन्द थपलियाले बताए । उनले घटना रहस्यमय भएको भन्दै शवको परीक्षण पछि मात्र हत्या वा आत्माहत्या के हो पत्ता लाग्ने बताए ।