एक महिलाले आफ्नो सम्पत्ति बाँदरको नाममा गरिदिएपछि
सहयात्रा टिभी
काठमाण्डौं । जेठ–७, भारतको उत्तरप्रदेशस्थित रायबरेली जिल्लामा बस्ने सबिस्ता नामकी एक महिलाले आफ्नो सारा सम्पत्ति बाँदरको नाममा गरिदिएकी छिन् । आफैँले १३ वर्षदेखि पाल्दै आएको बाँदरलाई सन्तान सम्झेर उनले सम्पत्ति उसकै नाममा गरिदिएकी हुन् ।
बाँदर घरमा ल्याएदेखि घरमा धेरै कुरा परिवर्तन भएको सबिस्ताको भनाइ छ । प्रेम विवाहमा असफल भएकी उनका कुनै सन्तान छैनन् । उनले सन्तानलाई जस्तै माया गरी उक्त बाँदरलाई पालेकी थिइन । उनले पालेको बाँदरको नाम चुनमुन राखिदिएकी थिइन् ।
तर उनको चुनमनको गत वर्ष मृत्यु भएपछि भने सबिस्तालाई निकै गाह्रो भयो । मुस्लिम धर्म मान्ने सबिस्ताले चुनमुनको सम्झनामा गत मंगलबार घरमा मन्दिर बनाइ त्यसमा राम लक्ष्मण तथा बाँदरको मूर्ति बनाएकी छिन् ।