रोनाल्डिन्होले एकै पटक दुई श्रीमती भित्र्याउँदै, दिदिले गरिन विरोध
सहयात्रा टिभी
एजेन्सी । जेठ–११, ब्राजिलियन स्टार फुटबलर रोनाल्डिन्होले एकैपटक दुईवटी श्रीमती भित्र्याउँने भएका छन् । फुटबलर रोनाल्डिन्होले आउँदो अगस्टमा एकै पटक दुईवटी प्रेमिकाहरुसँग विवाह गर्ने भएका हुन् ।
रोनाल्डिन्होले एक पारिवारिक समारोहको बीचमा आफ्नै बंगलामा दुवै प्रेमिकासँग एकैपटक लगनगाँठो कस्ने तयारी गरेको ब्राजिलका मिडियाहरुले उल्लेख गरेका छन् ।
रोनाल्डिन्होले गत जनवरीमा दुवैको हात मागेका थिए र दुवैसँग इन्गेजमेन्ट गरेका थिए । विवाह पछि रोनाल्डिन्होले दुवै श्रीमतीहरुलाई एकै प्रकारको उपहारहरु दिने छन् । दुवै प्रेमिकाहरुले उनीहरुले चाहेअनुसार खर्च गर्न पाउने गरी रोनाल्डिन्होबाट १५ सय डलर भत्ता प्राप्त गर्नेछन् ।
रोनाल्डिन्होकी दिदि डेजिले भने रोनाल्डिन्होले गर्न लागेको वहुविवाहको विरोध गर्दै आएकी छन् । उनले भाईले दुइवटै महिलाहरुसँग विवाह गरेमा आफु विवाहमा सहभागी नहुने समेत बताएकी छन् ।