तस्करलाई सघाउने प्रहरीद्धारा पत्रकारमाथि कुटपिट
सहयात्रा टिभी
महोत्तरी । जेठ–२२, प्रहरीले तस्करसँग पैसा लिँदै गरेको तस्वीर खिचेपछि प्रहरीद्धारा पत्रकार कुटिएका छन् । बर्दीमै रहेका प्रहरी जवान राकेश रायले तस्करसँग पैसा लिँदै गरेको तस्वीर खिचे पछि नेपाल टेलिभिजनका संवाददाता राजीव राय कुर्मीलाई प्रहरी हवल्दार राजेन्द्रबहादुर बस्नेतले कुटपिट गरेका हुन् ।
तस्करसँग पैसा लिँदै गर्दा पत्रकार कुर्मीले फोटो खिचेको देखेपछि हवल्दार बस्नेतले फोटो डिलिट गर्न धम्की दिएका थिए ।कुर्मीले फोटो डिलिट गर्न नमानेपछि उनीमाथि हवल्दार बस्नेतले हातपात गरेका हुन् ।
जिल्ला अधिकारी बाबुराम श्रेष्ठले घटनाबारे बुझेर दोषीमाथि कारबाही गर्ने प्रतिबद्धता व्यक्त गरेका छन् ।