प्रतिनिधिसभा समितिका सभापतिको निर्वाचन भदौ १७ गते

सहयात्रा टिभी

काठमाण्डौं । भदौ–१, प्रतिनिधिसभा अन्तर्गतका समितिका सभापतिको भदौ ५ गतेका लागी तोकिएको निर्वाचन भदौ १७ गतेका लागी सरेको छ । प्रतिनिधिसभाको शुक्रबारको बैठकमा सभामुख कृष्णबहादुर महराले निर्वाचनको मिति विशेष कारण भदौ १७ गते आइतबारका लागि सारिएको जानकारी गराएका हुन् ।

उनले विशेष कारणले प्रतिनिधिसभा नियमावलीको नियम १ सय ७३ को उपनियम १ बमोजिम समिति सभापतिको निर्वाचन कार्य तालिका सारिएको बताए ।

बैठकमा उनले निर्वाचनको मिति संशोधन सम्बन्धी सूचना प्रकाशित गर्न सचिवालयलाई निर्देशन समेत दिइएको जानकारी गराएका छन् । प्रतिनिधिसभाको अर्को बैठक यही भदौ ४ गते सोमबार दिनको १ बजे बस्नेछ ।