रोनाल्डोले स्वीकारेनन्, बलात्कारको आरोप
सहयात्रा टिभी
एजेन्सी । असोज–१८, विश्वप्रसिद्ध फुटबल खेलाडी क्रिस्टियानो रोनाल्डोले पूर्व अमेरिकी मोडेलले आफूमाथि लगाएको यौन शोषणको आरोपको खण्डन गरेका छन् । अमेरिकी मोडेलले सन् २००९ मा आफूलाई रोनाल्डोले बलात्कार गरेको आरोप लगाएकी छिन् ।
यसै साता रोनाल्डोका विरुद्धमा लास भेगासको प्रहरीले अनुसन्धान गर्ने बताइसकेको छ । पोर्चुगाली यी फुटबल खेलाडीले आफूमाथि लागेको आरोपमा सत्यता नरहेको बताएका छन् ।
“मेरा विरुद्ध प्रहरीले गर्ने भनिएको छानबिनको कुनै आवश्यकता नै छैन,” ३३ वर्षीय रोनाल्डोले भनेका छन्, “बलात्कार घृणित अपराध हो ।” प्रहरीले पीडितको नाम सार्वजनिक गरेको छैन ।