२४ घण्टामा थप ३३८ जनामा कोरोना पुष्टि,कुल संक्रमित संख्या २३ हजार नाघ्यो
सहयात्रा टिभी
काठमाडौं । श्रावण–२६,नेपालमा पछिल्लो २४ घण्टामा ३३८ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार देशभरका विभिन्न प्रयोगशालामा भएको पीसीआर परीक्षणमा ३३८ जनाको रिपोर्ट पोजिटिभ आएको हो।यो संगै कुल संक्रमितको संख्या २३ हजार ३१० पुगेको छ। पछिल्लो २४ घण्टामा ११० जना डिस्चार्ज भएका छन्। कुल डिस्चार्जको संख्या भने १६ हजार ३५३ पुगेको मन्त्रालयले बताएकोछ।
यसैगरी काठमाडौं उपत्यकामा थप ४४ जनामा कोरोना संक्रमण पुष्टि भएको छ। विभिन्न प्रयोगशालामा गरिएको परीक्षणमा थप ४४ जनामा कोरोना संक्रमण भएको पुष्टि भएको हो ।काठमाडौंका ३६, भक्तपुरका ४ जना, र ललितपुरका ४ जना गरी कुल ४४ जनामा कोरोना संक्रमण देखिएको मन्त्रालयले पुष्टि गरेको हो।