नेपालमा कोरोना : पछिल्लो २४ घण्टामा थप १ हजार २ सय २१ जनामा कोरोना पुष्टि, कुल संक्रमित संख्या ३८ हजार ५६१ पुग्यो
सहयात्रा टिभी
काठमाडौं । भाद्र–१४,स्वास्थ्य तथा जनसङ्ख्या मन्त्रालयले दैनिक प्रेस ब्रिफिङमा पछिल्लो २४ घण्टामा नेपालमा १२२१ जनामा कोरोना पुष्टि भएको छ । २४८ महिला र ८७३ जना पुरुषमा कोरोना भाइरस पुष्टि भएको हो । थपिएकासँगै सङ्क्रमित हुने कुल ३८ हजार ५६१ पुगेको जनाइएको छ ।
नेपालमा अहिले सक्रिय सङ्क्रमितहरू १७ हजार ५ सय १८ रहेका छन् । होम आइसोलेसनमा ६ हजार ९ सय र संस्थागत आइसोलेसनमा १० हजार ६ सय १२ रहेका छन् ।पछिल्लो २४ घण्टामा २६७ जना कोरोना सङ्क्रमित निको भएर घर फर्केका छन् । योसँगै कुल डिस्चार्ज भएकाहरू २० हजार ८२२ पुगेको छ ।निको हुने दर ५४ प्रतिशत रहेको मन्त्रालयले जनाएको छ ।विदेशबाट फर्केका अधिकांश क्वारेन्टिनमा बसेका छन् । यसरी बस्नेहरू सात हजार ७९७ रहेका छन् । पछिल्लो २४ घण्टामा चार महिला र १० जना पुरूषको कोरोना भाइरसका कारण मृत्यु भएको छ । यो संगै कुल मृतक संख्या २ सय २१ पुगेको छ ।