नेपालमा कोरोना : पछिल्लो २४ घण्टामा १ हजार ३सय ५९ जनामा कोरोना पुष्टि, कुल संक्रमित संख्या ४४ हजार नाघ्यो
सहयात्रा टिभी
काठमाडौं । भाद्र –१९, नेपालमा कोरोना भाइरस संक्रमितको संख्या ४४ हजार नाघेको छ । पछिल्लो २४ घन्टामा १३ सय ५९ जनामा संक्रमण पुष्टि भएसँगै शुक्रबार कुल संक्रमित संख्या ४४ हजार २३६ पुगेको हो ।
पछिल्लो २४ घन्टामा १३ सय ५४ जना निको भएका छन् । यो सँगै निको हुनेको संख्या २५ हजार ५६१ पुगेको छ ।भने यो ५८ प्रतिशत हो । पीसीआर परीक्षण १३ हजार ६ सय ३८ रहेको मन्त्रालयका प्रवक्ता डा जागेश्वर गौतमले बताएका छन् । हालसम्म ७ लाख ४५ हजार ४ सय ९० पीसीआर विधिबाट परीक्षण भएको मन्त्रालयले जनाएको छ। शुक्रबार अपराह्न सम्मको तथ्यांकअनुसार आइसोलेसनमा उपचारमा रहेकाको संख्या १८ हजार ४ सय ४ र क्वारेन्टाइनमा ६ हजार ५ सय ६१ जना रहेका छन् । २४ घन्टाको अवधिमा कोरोना संक्रमणबाट थप १४ जनाको मृत्यु भएको प्रवक्ता गौतमले बताएकाछन् । यो संगै कुल मर्ने संख्या २ सय ७१ पुगेको छ ।