नेपालमा कोरोना : पछिल्लो २४ घण्टामा १ हजार ८१ जनामा कोरोना पुष्टि, कुल संंक्रमित संख्या ४९ हजार २१९ पुग्यो

सहयात्रा टिभी

काठमाडौं । भाद्र–२४, नेपालमा थप १ हजार ८१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले नियमित प्रेस ब्रिफिङमा बुधबार प्रवक्ता डा जागेश्वर गौतमले पछिल्लो २४ घन्टामा १ हजार ८१ जनामा कोरोना संक्रमण पुष्टि भएको जानकारी दिएका हुन् । यो संगै कुल संक्रमित संख्या ४९ हजार २१९ पुगेको छ ।

२४ घन्टामा ११ हजार १६७ पीसीआर परीक्षण गरिएका छन् । हालसम्म ७ लाख ९९ हजार ३४१ परीक्षण भएका प्रवक्ता गौतमले बताए । हाल सम्म सकृय सङ्क्रमित १५ हजार २५ रहेका छन् ।प्रवक्ता डा. गौतमले पछिल्लो चौबीस घण्टामा नौसय १८ जना निको भएको बताएकाछन् । यो संगै हालसम्म ३३ हजार ८८२ जना कोभिड–१९ सङक्रमित निको भएर घर फर्किएका छन् । हाल सम्म आइसोलेसनमा १५ हजार २५ रहेका छन् । क्वारेन्टिनमा पाँचहजार ४८० जना सङ्क्रमित रहेको मन्त्रालयले जनाएको छ।मन्त्रालयको अनुसार पछिल्लो चौबीस घण्टामा छ जनाको मृत्यु भएको छ । योसँगै नेपालमा तीन सय १२ जनाको कोरोना भाइरसका कारण मृत्यु भएको छ ।