नेपालमा कोरोना : पछिल्लो चौबिस घण्टामा थप १ हजार २ सय ४६ जनामा कारोना पुष्टि, कुल संक्रमित संख्या ५० हजार नाघ्यो
सहयात्रा टिभी
काठमाडौं । भाद्र–२५,पछिल्लो चौबीस घण्टामा ११ हजार १४४ जनाको आरटी पीसीआर परीक्षण गरिएकोमा एक हजार २४६ जनामा सङ्क्रमणको पुष्टि भएको छ ।
स्वास्थ्य तथा जनसंख्या मन्त्रलायले प्रेस ब्रिफिङको क्रममा पछिल्लो चौबीस घण्टामा थपिएका सङ्क्रमितसँगै कुल सङ्क्रमित पचास हजार ४६५ पुगेको जनाएको छ । पहिलो सङ्क्रमित फेला परेको करिब सात महिनापछि कुल सङ्क्रमित पचास हजार नाघेको मन्त्रालयले जनाएको छ ।पछिल्लो चौबीस घण्टामा एक हजार ८१८ जना सङ्क्रमित सङ्क्रमणमुक्त भई घर फर्केका छन् । यो सँगै सङ्क्रमणमुक्त हुने संख्या ३५ हजार ७०० सय पुगेको छ । सङ्क्रमित निको हुने दर भने ७१ प्रतिशत पुगेको छ ।मन्त्रालयले प्रेस ब्रिफिङमा हाल १४ हजार ४४८ जनामा सङ्क्रमण सक्रिय रहेको जनाएको छ । आठ हजार ११० जना संस्थागत् आइसोलेशनमा छन् भने छ हजार ४३८ जना होम आइसोलेशनमा रहेको मन्त्रालयले जनाएको छ ।आठ लाख बढीको पीसीआर परीक्षण हुँदा कोरोनाले मृत्यु हुनेको संख्या भने तीन सय १७ पुगेको छ ।