उपत्यकामा कोरोना : पछिल्लो चौबिस घण्टामा थप ५ सय ७२ जनामा कारोना पुष्टि

सहयात्रा टिभी

काठमाडौं । भाद्र–२५,पछिल्लो चौबीस घण्टामा ११ हजार १४४ जनाको आरटी पीसीआर परीक्षण गरिएकोमा काठमाडौं उपत्यकाका तीन जिल्लामा बिहीबार थप पाँच सय ७२ जनामा कोरोना संक्रमण देखिएको छ ।

उपत्यकामा एकैदिन देखिएको संक्रमितको यो संख्या अहिलेसम्मकै सबैभन्दा बढी हो ।उपत्यकाको काठमाडौं जिल्लामा चार सय ९५ जना, ललितपुरमा ४३ जना र भक्तपुरमा ३४ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ । यसअघि बुधबारको नियमित प्रेस ब्रिफिङका क्रममा उपत्यकामा ४ सय ६४ जनामा कोरोना संक्रमण देखिएको थियो ।बिहीबार देशभर १२ सय ४६ जनामा संक्रमण पुष्टि भएको छ । हालसम्म नेपालमा कोरोना संक्रमितको संख्या ५० हजार ४ सय ६५ पुगेको छ । यस्तै संक्रमित मध्ये ७० प्रतिशत निको भएका छन् । नेपालमा कोरोनाबाट ३ सय १७ जनाको मृत्यु भएको मन्त्रालयले जनाएको छ ।