नेपालमा कोरोना : पछिल्लो २४ घण्टामा थप १ हजार ३ सय पच्चिस जनामा कोरोना पुष्टि ,कुल संक्रमित संख्या ६४ हजार नाघ्यो

सहयात्रा टिभी

काठमाडौं । असोज–०४, स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा देशका विभिन्न ४९ वटा प्रयोगशालामा नौहजार ५८४ वटा आरटी पीसीआर परीक्षण भएकोमा एक हजार ३२५ जना मा कोरोना पुष्टि भएको छ । मन्त्रालयले दैनिक प्रेस ब्रिफिङको क्रममा थपिएका नयाँ सङ्क्रमितसँगै नेपालमा कुल सङ्क्रमितको संख्या ६४ हजार १२२ जना पुगेको जनाएको छ।

पछिल्लो चौबीस घण्टामा ९६६ जना सङ्क्रमित निको भएर घर फर्केका छन् । कुल ४६ हजार २३३ जना निको भएका छन् । कोरोना संक्रमणमुक्त हुने दर भने ७२ प्रतिशत पुगेको मन्त्रालयले जनाएको छ ।हाल १७ हजार ४७८ जनामा सङ्क्रमण सक्रिय रहेको छ ।संस्थागत आइसोलेसनमा नौहजार ७१ सहित आइसोलेसनमा कुल १७ हजार ४७८ पुगेको छ । क्वारेन्टिनमा सात हजार ४५१ जना रहेका छन् ।

पछिल्लो २४ घण्टामा दश जनाको मृत्यु भएको छ । योसँगै कोरोना भाइरसका कारण मृत्यु हुनेको को कुल संख्या ४११ पुगेको छ ।भने मृत्युदर शुन्य दशमलब ६४ प्रतिशत रहेको छ ।