नेपालमा कोरोना : पछिल्लो २४ घण्टामा थप १ हजार १ सय ७२ जनामा कोरोना पुष्टि,कुल संक्रमित संख्या ६८ हजार नजिक

सहयात्रा टिभी

काठमाडौं । असोज–०७, स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा एक हजार १७२ जना कोरोना सङ्क्रमित थपिएका छन् । थपिएका नयाँ सङ्क्रमितसँगै नेपालमा कुल सङ्क्रमितको संख्या ६७ हजार ८०४ जना पुगेको मन्त्रालयले जनाएको छ।

हाल १७ हजार ४१४ जनामा सङ्क्रमण सक्रिय रहेको मन्त्रालयले जनाएको छ ।भने आइसोलेसनमा कुल १७ हजार ४१४ पुगेको छ । क्वारेन्टिनमा सात हजार १०४ जना छन् ।२४ घन्टामा जम्मा ९ हजार ४ सय ९७ पीसीआर परीक्षण भएका छन् । हालसम्म ९ लाख ४४ हजार ४ सय ७४ पीसीआर परीक्षण भएका छन् ।पछिल्लो चौबीस घण्टामा १८९२ सङ्क्रमित निको भएर घर फर्केका छन् । यो संगै निको हुने कुल संख्या ४९ हजार ९५४ जना रहेका छन् । कोरोना संक्रमणमुक्त हुने दर भने ७२ प्रतिशत पुगेको छ ।त्यस्तै पछिल्लो चौबीस घण्टामा ७ जनाको मृत्यु भएको छ । योसँगै नेपालमा कुल मृत्यु हुनेको संख्या ४३६ पुगेको छ ।